• होली (मार्च)

  •  

    उद्गार
     श्रीरमन
    मूल्य रू 25/- (डाक व्यय अतिरिक्त)
     श्रीनारायण अग्निहोत्री "सनकी"
     संक्षिप्त परिचय
    मूल्यांकन 17 फरवरी, 2004

     

    ससुराल की होली

                                                शादी के बाद परी होली,
                                                                       ससुरारी से पाती आई |
                                                पहिली होली ससुरारी की,
                                                                 लिखि भेजेन सब भौजाई | |


                                                होली जब निकचॉय लागि,
                                                               बढिया कपडा हम बनुवावा |
                                                होली मा अईबे ज़रूर ,
                                                             ससुरारि खबर या पहुँचावा  | |


                                                सैकरन रूपैया खर्च कीन्,
                                                             बनुवावा केतनिव शर्ट - पैंट |
                                                दाढी का करिकै सफाचट्ट ,
                                                                 बारन मा खुशबूदार सैंट | |


                                                जब ससुरारी पहुँचेन भाई,
                                                         सब दऊरि परीं सरहज सारी |
                                              जीजा - जीजा कहि टूटि परी,
                                                                 बरसावैं लागीं पिचकारी  | |


                                                बारन मा माटी भरि दीन्हेन,
                                                   मुंह मा दीन्हेन कालिख लगाय |
                                                सब दुर्गति हमरी कइ डारेन ,
                                                        लखुवा बानर दीन्हेन्न बनाय | |


                                                भै कपडन कै छीछालेदर,
                                                                 घर फूँकि तमासा कई डारा |
                                                बुरा न मानौ होरी है,
                                                                   समुझावैं लाग बडा सारा | |


                                                केतनेव नाखून लगे मुँह मा,
                                                                 साली की हँसी ठिठोली से |
                                                अब कबौं न अईबे ससुरारी,
                                                                भरि पावा अईसी होली से | | 


                                                हम तो धोखा अब खाय गयेन,
                                                                मुलु तुम भाई हुशियार रहेव |
                                                हमरी अस दुर्गति होइ जईहै,
                                                          जो फागुन मा ससुरारि गयेव | |

     

      777 बार देखा
    अति-उत्तमउत्तमसामान्य

      शेष प्रविष्टियां

     श्रीनारायण अग्निहोत्री "सनकी"777 बार देखा गया  
    17 फरवरी, 2004  
     भोला नाथ 'अधीर'1380 बार देखा गया  
    17 फरवरी, 2004  
     नन्द कुमार मनोचा1629 बार देखा गया  
    14 फरवरी, 2004  
    त्रेता की अंतर्व्यथा
     श्रीरमन
    मूल्य रू 100/- (डाक व्यय अतिरिक्त)

    शब्द परिमल
     श्रीरमन
    मूल्य रू 50/- (डाक व्यय अतिरिक्त)

    नेह के गांव
     श्रीरमन
    मूल्य रू 100/- (डाक व्यय अतिरिक्त)


    (c) 2003-2004 All rights reserved
    Software Techno Center(STC),India